அடிப்பார் இல்லாத அமைச்சர்

ஐயா... ஐயா... கொஞ்சம் இருங்க! அவரு உங்களைப் பாத்து செவுட்டுல அடிக்கிறா மாதிரி ஒரு வார்த்தை சொல்லிட்டுப் போறாரு... நீங்க கொஞ்சம்கூட காதுலயே போட்டுக்க மாட்டேங்கறீங்களே...

அப்படி என்ன சொல்லிட்டுப் போறாரு..

அடிப்பார் இல்லாத அமைச்சர் என்றால் 
கெடுப்பார் டூஜியைப் போல்! 
அப்படின்னு கவிதை பாடிட்டுப் போறார்...

பால் மவுசு கூடுது; லோக் பால் மவுசு?

கொஞ்சம் இருங்க... கொஞ்சம் இருங்க... இப்போ எங்களுக்கும் மவுசு கூடும்னு நாங்க எதிர்பார்க்கறோம். நாங்க முன்வைக்கிற மசோதாவோட மதிப்பை உணர்ந்து, தமிழ்நாட்டு முதல்வரும் முழு ஆதரவைத் தருவாங்கன்னு நாங்க எதிர்பார்க்கறோம். ஏன்னா அவங்க இப்பதான் ஆவின் பால்-க்கு உண்டான மதிப்பை ரொம்ப உயர்த்தி உயரத்துல வெச்சிருக்காங்க. அதுமாதிரி எங்க லோக்பால்-க்கான மதிப்பையும் உணர்ந்து எங்களை உயரத்துல வைப்பாங்க. அப்புறம் பாருங்க... லோக் பால்- வேணும்னு எப்படி எதிர்க்கட்சிங்கள்லா அறிக்கை விடறாங்கண்ணு!!!

பிரேக் பிரேக்... இல்லாம போனா?

பிரேக் பிடிக்காம போனா... பஸ்ஸின் கதி..?இப்படித்தான் மோதி நிக்கணும்!அதுவும் ஓட்டுகின்ற திறமையை குடிப்பழக்கம் கொல்லும் என்று அறிவுரை சொல்லும் இடத்தின் மீதே!உங்கள் மூளையை 5 நிமிடத்தில் அடையும் ஆல்கஹால் என்று அறிவுரை சொல்லும் இடத்தின் மீதே!அட... அரசாங்கமும் இப்படித்தான்!அதனால்.. ஒரு பிரேக் வேண்டும்!இப்படி ஆகாமல் இருக்க!

சரியான சில்லரை எடுத்துக்காதீங்க?!

ஐயா இந்த நோட்டீஸை நல்லா படிச்சுப் பாருங்க... அப்புறம் இதுல நீங்க பத்திரமா பயணம் செய்யிறதுக்கான டிப்ஸ் எல்லாம் இருக்கு. பணத்தை பத்திரமா பாத்துக்குங்க...பிக்பாக்கெட்காரன் பக்கத்துலயே நிப்பான். நீங்க இறங்கறதுக்குள்ள அபேஸ் செய்யலாம்... அதுனால உங்க பர்ஸ், பைகளை எப்படி கவனமா பாத்துக்கணும்னு நாங்க சில ஐடியால்லாம் சொல்லியிருக்கோம். கண்டக்டர்கிட்ட சரியான சில்லரை கொடுங்க... அட... ஒண்ணு சொல்ல மறந்துட்டேன்.. நீங்க இறங்கப் போற இடம் வர்றதுக்குள்ள டிக்கெட் விலையை ஏத்தி அந்த டிக்கெட் கட்டண வித்தியாசத்தை உடனே உங்ககிட்ட வசூல் செய்யலாம். அதுனால எதுக்கும் கொஞ்சம் கூடவே சில்லரை எல்லாம் வெச்சிக்குங்க...

அன்றா சொன்னேன்? நன்றா செய்தேன்!?

பெட்ரோல் விலை குறித்து...
இதை அங்க போய் கேளுங்க!
இல்லை.. நீங்க... பெட்ரோல் விலை உயர்வை வாபஸ் வாங்கலைன்னா நாங்க அமைச்சரவையிலிருந்து வாபஸ் ஆகிடுவோம்னு சொன்னீங்களே!
ஆமாம்! இது மக்கள் விரோத நடவடிக்கை! அவங்க விலை வாபஸ் பத்தி யோசிச்சாகணும். இல்லைன்னா எங்க நிலை வாபஸ்தான்!
ஆனா பிரணாப் என்னமோ வித்தியாசமா பேசுறாரே...
இல்லை இல்லை... இது எங்க உறுதியான இறுதியான முடிவு. நாங்க எதில் இருந்தும் பின்வாக்கப் போவதில்லை...
உங்க எம்பிக்கள் கிட்டே பிரதமர் உறுதியா சொல்லியிருக்காறாமே!
என்ன...?! உறுதியாவா??? அவரு அப்படில்லாம் பேசமாட்டாரே! கொஞ்சம் இருங்க பிரதமர் என்ன டீலிங்ல அப்படி பேசினார்னு தெரிஞ்சுக்கறேன்...
......
......
ம்ம்ம்... எம்பிக்கள்ட்ட பேசிட்டேன். பெட்ரோல் விலையை ஏத்துறதை எங்களால அனுமதிக்க முடியாது. இருந்தாலும், இந்த முறை பிரதமரை நாங்க மன்னிக்கறோம். அடுத்த முறை ஏத்தினா... நிச்சயமா வாபஸ்தான்! அதுல நாங்க உறுதியா இருக்கோம்..!

(பெங்காலி மொழி புரியாததால, இவங்க என்ன பேசியிருப்பாங்கன்னு யோசிச்சதுல.... இப்பிடி!)

எலக்டிவ் அம்னீஷியா!

என்னங்க அத்வானிஜி... தமிழ்நாட்டு முதலமைச்சட்ட போன்ல பேசும்போது ரொம்ப ரொம்ப நன்றின்னு சொன்னீங்களாமே!
ஆமாம்... சரியான நேரத்துல சரியான நடவடிக்கை எடுத்தாங்களே... பாராட்டாம இருக்க முடியுமா?
ஆமாமா... செலக்டிவ் அம்னீஷியான்னு சொன்னவங்களாச்சே...
என்னது..? அப்படியா? யாரைப் பாத்து சொன்னாங்க...?!
ஆஹா... அவங்க சொன்னது நூறு சதவீதம் சரிதான்!

சாப்பிட வரட்டா?

என்னப்பா... தம்பி... உங்க வீட்டுக்கு இன்னிக்கி மத்தியானம் சாப்பிட வரட்டா...
என்னாது.... சாப்பிடவா? என்னயவே எங்கம்மா போடா டேய் ராத்திரி வீட்டுக்கு வந்தா போதும்டானு துரத்தி விட்டுட்டாங்க... இதுல நீங்க வேற?

வேலை (செயல்) திட்டம்?!

உங்க மாநிலத்துலயும் நீங்க ஒழுங்கா நூறுநாள் வேலைத்திட்டத்தை பின்பற்றலையாமே!
அய்யய்யோ அப்டி முறைச்சிப் பாக்காதீங்க... பயம்மா இருக்கு... இது எதிர்க்கட்சி ஆட்சி செய்யிற குஜராத், பீகார், உத்தரப் பிரதேசம் இல்லேங்க... நம்ம கட்சி ஆட்சி செய்யிற ஆந்திரமுங்க....
அது எனக்கு தெரியுது! ஆனா மாயாவதிக்கு அனுப்பினா மாதிரி உங்களுக்கும் கடிதம்லாம் போட்டாதான் சரியாவரும்னு நெனக்கிறேன்...
என்னங்க இப்படி சொல்றீங்க? இங்க ஒழுங்கா வேலையே செய்ய முடியலே... இதுல நீங்க வேற....
அதான் சொல்லுறேன்... நூறு நாள் வேலைத் திட்டத்தாலதான் கூலிக்கு ஆள் கிடைக்க மாட்டேங்கிறாங்கன்னு தமிழ்நாடு மாதிரி மாநிலங்கள்ல புகார் சொல்லுறாங்க... நீங்க மட்டும் இந்த திட்டத்தை சரியா செஞ்சிருந்தீங்கன்னா.... தெலங்கானா மாதிரி பிரச்னை வருமா? கொடி பிடிக்க கோஷம் போட சாலைமறியல் போராட்டத்துக்கு ஆள் தேறுமா? யோசிச்சிப் பாருங்க. அதான் சொல்றேன் நீங்களும் நூறு நாள் வேலைத்திட்டத்துல முறைகேடு செஞ்சிருக்கீங்க...

டீப் டிஸ்கஷன்தான்! நம்ம டூப் டிஸ்கஷன்தான்!!

என்னங்க இது... திக் திக் இப்படி திக்கு திக்குன்னு உளறிக்கொட்டுறாரு..?
ஏன் என்னாச்சு... கொடுத்த வேலையை நல்லாத்தானே செய்துக்கிட்டிருக்காரு?!
அதில்லே..! ப்ளான் 1, ப்ளான் 2,. ப்ளான் 3 அப்டின்னு ஏதேதோ சொல்லி எல்லாத்தையும் ஆர்.எஸ்.எஸ்தான் இயக்குதுங்கிறாரே!
ஆமா... எதுனா பிரச்சினைன்னா அப்படிச் சொல்லனும்னுதானே 1947லிருந்தே நம்ம கட்சிக்காரங்களை பழக்கப்படுத்தி வெச்சிருக்கோம்?!
ஆனா.... இப்போ அதுவே வினையா முடிஞ்சிடும்னு பயமாயிருக்கு!
ஏன் எல்லாம் சரியாத்தான் போயிட்டிருக்கு. நெனச்ச மாதிரியே அண்ணா ஹசாரே குழு பயந்து பிரிஞ்சிட்டாங்க... ஒருத்தர ஒருத்தரு அடிச்சிக்கிறாங்க... நாமதான் ஆர்.எஸ்.எஸ் அப்படிங்கிற தீண்டாமை அஸ்திரத்தை சரியா போட்டிருக்கமே!
ஆனா பாருங்க... பொதுமக்கள் பாபா ராம்தேவை நல்லவருங்கிறாங்க... அண்ணா ஹசாரேவை ரொம்ப நல்லவருங்கிறாங்க... ரவிசங்கர்ஜியை ரொம்ப ரொம்ப நல்லவருங்கிறாங்க... இப்படி எல்லாரும் நல்லவங்கன்னு நம்பிக்கிட்டிருக்கிற எல்லாரையும் ஆர்.எஸ்.எஸ் சொல்லித்தான் இயங்குறாங்கன்னு நம்ம திக்கு திக்கு சிங் சொல்லுறாரே... அதுனால, இதுவரை மோசமானவங்கன்னு மக்கள் நெனச்சிக்கிட்டிருக்கிற ஆர்.எஸ்.எஸ்.காரங்களை நல்லவங்கன்னு நினைக்கும்படியா செய்யிறாரோ? இவரு நல்லவரா கெட்டவரான்னே தெரியலியே?!

ஆர்ட் ஆஃப் லையிங்!?

சிறீ சிறீ ரவிசங்கர்ஜி என்னமோ ஆர்ட் ஆஃப் லையிங் அப்படின்னு அமைப்பு வெச்சிருக்கறதா சொன்னாரே! அதான்... எங்கிட்டயே போட்டி போடறாரேன்னு நெனச்சித்தான் இந்த டகால்டி வேலையெல்லாம் செஞ்சி பாக்குறேன்... மேட்டர் மசிய மாட்டேங்குதே!
உம்மை அப்படியே கடிச்சி முழுங்கிடப்போறேன்...அய்ய... அவரு வெச்சிருக்கிறது ஆர்ட் ஆஃப் லிவிங்... அதாவது வாழும் கலை..ன்னு பேரு! நீங்க நினைக்கிற மாதிரி ஆர்ட் ஆஃப் லையிங்... பொய் சொல்லுற கலை இல்லீங்க! எதையும் மொதல்ல சரியா காதுகொடுத்து கேளுங்க... ஓ... சரி சரி... இதுதான் உங்களுக்கு பிரச்னையா?!

செல்’ல’போன் மொழி!

செல்போன் மொழியில உங்க மொழியும் சேர்ந்துடுச்சாம் மிஸ்டர் பிரைம் மினிஸ்டர்!
என்ன சொல்லுறீங்க!
மீட்டிங் ஹாலுல பேசுற காமா சோமா பார்ட்டிங்கல்லாம் இப்ப மைக்க புடிச்ச உடனே இதைத்தான் சொல்லுறாங்க... அதுவும் உங்களுக்கு புகழாரம் சூட்டிக்கிட்டே!
அப்படி என்ன சொல்லுறாங்கஜி
உங்க செல்போனை எல்லாம் சைலண்ட் மோட்ல போடுக்குங்க... அப்படின்னு சொல்லிக்கிட்டிருந்தவங்க எல்லாம் இப்போ உங்க செல்போனை மன்மோகன்சிங் மோடுல போடுங்கன்னு தெனாவட்டா பேசுறானுங்க...
அடடே அப்படியா?
அட இதுக்காவது உங்க மௌனத்தை கலைச்சீங்களே... அப்படியே ஊழல் ஒழிப்புல தீவிரமா இருக்கோம்னு உலகத்துக்கு காட்ட, எங்க கட்சி ஒழிப்புல மட்டும் இறங்கிட்டீங்க போலிருக்கு...
அட... அதெல்லாம் ஒண்ணுமில்லே... எல்லாம் நியாயப்படிதானே நடக்குது!
ஆமா... ஆமா .... அந்த ஊழல் ஒளிப்பு நியாயத்தைத்தான் எங்க கட்சின்னும் பாக்காம  செய்யிறோம்னு மேடமும் சொன்னாங்க.!!!!

சுயமரியாதை உத்தியோகம்?!

அரசியல்-’டூன்’!

வாசல்லியே  இருந்து, கெஞ்சுகிறா மாதிரி...  அட என்னமோ சொல்லுவாங்களே அந்த.... உத்தியோகமா போயிட்டுதே!
எல்லாம்... பாசம்..  எல்லாம் .... தலை எழுத்து...!
அன்னிக்கி தலை கேட்டாருன்னு... கூடவே கேட்டமே... உஞ்சவித்திக்காரனுக்கு உத்தியோகம் எதுக்குன்னு?
ம்ம்ம்ம்... சுயமரியாதைக் கதை ஏதாவது யோசிக்க வேண்டியதுதான்!

முன்னாள் அமைச்சர்கள் மயம்!

வணக்கம்மா வாங்க வாங்க... அடுத்த வாரம் அப்படியே எங்க ஊருப் பக்கம் போயி வரலாமுன்னு இருக்கேன். ஒரு வாரமாச்சும் ஆகும். அதுக்குள்ள அடுத்த அமைச்சரவை மாற்றம் அது இதுன்னு எனக்கு வேலை வைக்க மாட்டீங்களே! ஏன்னா இந்த 5 வருஷத்துல, வருஷத்துக்கு 50 பேர் வீதம் 250 முறை அமைச்சர் பதவிப் பிரமாணம் செய்ய வேண்டியிருக்குமாம்... ஒரு பய ’பெட்’ கட்டுறான்...  அது எப்படிடான்னு கேட்டா... ஒரு சிலருங்க ரெண்டு மூணு வாட்டி அமைச்சரு ஆவாங்களாம்.. ஆனாம்மா... நீங்க ஒரு ரெக்கார்ட் பிரேக் பண்ணப் போறீங்க... இந்த சட்டசபைக் காலம் முடியும்போது எல்லாரும் முன்னாள் எம்.எல்.ஏவா இருக்கமாட்டாங்க... எல்லாருமே முன்னாள் அமைச்சர்களா இருப்பாங்க...

ஊழல் நாத்தம் தாங்கலே

அந்த ஆளு டியூப்லைட்டு கியூப்லைட்டுன்னு உளறுவதைக் கேட்டாலே வாய்நாத்தம் தாங்கமுடியலே! ’கப்’ அடிக்குது.... பேச வந்து உக்காந்தா, ஊழல் நாத்தம் தாங்க முடியலே! பேசாம பேசாமலேயே இருந்துருக்கலாமோ?!

பிரதம ஜோஸியக்காரர்

நமஸ்தே நமஸ்தே.. வாங்க வாங்க... என்ன பிரதமர்ஜி.. நல்லா படிச்சிட்டிருக்கீங்க போலிருக்கு?!
நமஸ்தே... என்ன ராகுல்ஜி சொல்றீங்க? நான்தான் அப்பவே நிறைய படிச்சிட்டேனே!
இல்ல இல்ல... நான் சொன்னது ஜோஸியப் புத்தகங்களை...
அப்படின்னா? புரியலியே!
அதான் இப்போ நல்ல நேரம், நட்சத்திரம், ராசி, ஹோரைன்னு எல்லாம் பாக்குறாமாதிரி தெரியுதே! இதுதான் ஊழலை ஒழிக்க நல்ல நேரம்னு பஞ்சாங்கம் பாத்து சொல்லியிருக்கீங்களாம்..! எனக்கும் பார்த்து சொல்லுங்க. .. எது நான் என்ட்ரி ஆகுறதுக்கு நல்ல நேரம்னு!

மகா மானஸ்டர்ர்ர்ரு

ஹய்யோ... ஹய்யோ... இந்த ஆளுங்க இப்படி புசுக்குனு போவாங்கன்னு கொஞ்சம்கூட நா எதிர்பாக்கலே!
யாரைச் சொல்றீங்க...
எல்லாம் இந்த அண்ணா ஹசாரே ஆளுங்கதான்! என்னல்லாம் பேசிட்டிருந்தாரு.... இப்ப பாருங்க காங்கிரஸை எதிர்க்க மாட்டேன்னு ஒரே போடா போட்டுட்டாரு! நம்ம திக்விஜய் சிங் ஒரு ஆளோட வாய்க்கே தாக்குப் பிடிக்க முடியாம ஜகா வாங்குறாங்களே! நாம எல்லாரும் சேர்ந்து ஆரம்பத்திலயே இப்படி செஞ்சிருந்தா..? இவங்கள்லாம் வந்திருக்கவே மாட்டாங்களே!
அதானே! மானஸ்தன்லாம் பொதுவாழ்க்கைக்கு வரக்கூடாதுன்னு சும்மாவா சொல்லி வெச்சாங்க! நாம எத்தனை பேர பாத்துருப்போம்ம்ம்ம்!
ஹா... ஹா... இன்னும் கொஞ்ச நாள்ல பாருங்க... ஊழலா அப்படின்னா? லோக்பாலா... அப்படின்னா? ஊழல் எதிர்ப்பு இயக்கமா அப்படின்னா? இப்படில்லாம் கேக்கப் போறாரு பாருங்க...